RECITAL MULTILINGÜE NO DÍA DA MULLER TRABALLADORA:
VENRES, 8 DE MARZO, VENTO DO SUL (LIBRERÍA TORGA), A PARTIR DAS 19:30
Ola!
O Grupo de
Traballo, “Ler para escribir”, integrado por 5 docentes da escola (Ana R.,
Berta S., Jose M., Mat e Rut) quere convidarvos
a participar nunha actividade de lectura pública de textos sobre a muller nas
distintas linguas da escola. O recital desenvolverase o vindeiro venres, 8 de marzo, a partir das 19:30 en Vento do Sul (antiga
Torga, enfronte do Teatro Principal).
Trátase
de que participedes lendo algún texto sobre a muller na lingua de estudo. Pode
ser un simple titular, parte dunha nova ou artigo de xornal, unha cita, un
fragmento dunha novela, unha pequena escea teatral, unha poesía, unha canción,
unha forma escrita calquera…
Queremos
ler en voz alta nos
distintos idiomas: individualmente, en parelllas, por grupos e
alternando as linguas
transmitir mensaxes sobre a muller, a lectura e a escrita
de/sobre muller. Mulleres con voz pero
pouco escoitadas nos espazos públicos comúns
escoitar o son das palabras ditas nas distintas
linguas sen traduccións inmediatas
sacar os idiomas fóra da
escola, fóra das paredes dunha aula.
Se queredes participar e tedes xa un texto en
mente, mandádenolo a lerparaescribir@gmail.com,
se pode ser dentro do 1 de marzo, para termos tempo de editalo, fotocopialo e
distribuilo no recital.
Senón… ASISTIDE E PARTICIPADE NESTA MOSTRA DA NOSA
PEQUENA BABEL EN FEMININO!
